السبت، 26 أكتوبر 2013

صور لباسم يوسف مع أحمد المغير ونادر بكار تثير أزمة بين المصريين

صفحة وزارة الداخلية تنشر صور لباسم يوسف مع أحمد المغير ونادر بكار وخناقة بين المصريين

باسم يوسف
تحت عنوان يا واد يا باسم يا بتاع المواقف الثابته قامت صفحة تسمى نفسها صفحة وزارة الداخلية المصرية بنشر صورتين لباسم يوسف مع كلا الأخوانى أحمد المغير ومع نادر بكار المتحدث بأسم حزب النور ثم كتب تحتها تعليق يا ثورجى يا صوت الثورة المستمرة يا لسان الثوار الاطهار الابرار الاحرار.
الغريب أن الصفحة نالت هجوم حاد من النشطاء حول تعليقهم فأحد النشطاء قال هذا الكلب لم يكن احد يطيقه او يلتفت له الا حينما نقل نبض الشارع وسخر من مرسى وجماعته ولكن حينما يخالف راى الشارع ويسخر من الجيش والفريق وحب الشعب والرئيس يبقى زباله ومأجور لاشاعه الفوضى وافشال خارطه الطريق.
أما أخر قال لسه الفضايح هتكتر ما دام فكر يتريق ع حب الناس للسيسى يبقى يستقبل بقى بكرة يعمل زى البرادعى ويخلع كام يوم فى امريكا ويرجع يقولك مصالحه.
وأخر من امبارح هتموتوا انتم بقي اللي مواقفكم ثابتة يعني دا كان رايك في باسم ايام مرسي ؟
وأخر لأ ده أنت أدمن جامد وثورجى وكنت بتقرأ الغيب كمان وكان صوتك مبحوح من كتر ما قعدت تفهمنا أن الناس دى ماتنفعش لحكم مصر وانهم أرهابين وانهم خونة وانهم وانهم بس يا حرام ماحدش قدرك ولا سمعك معلش بس المهم ان أحنا عارفين أنك يا سى أدمن الصحة انك عارفهم ومجربهم وكنت كارهم وكنت بترفض توقف جنبهم فى الميدان فى يناير شخصيات مريضة ياه ده باسم امبارح فضحكم قدامنا ولسه وغيره وغيره بس الشاطر ال يفهم.
وأخر هو عشان متصور معاهم يبقى أبليس وخاين وعميل هو انتو اللي مش معاكم ومخالفكم في الرأي والناس بتحبه يبقى وحش قولو الحقيقة الراجل صاحب رؤية ومعلم عليكو وعلى الإخوان وعلى الجيش هو لازم يكون مع حد منمثلث بتاعكو عشان يبقى حلو وجميل.
وأخر عشان ما نكون زي الاخوان نجيب الصور ونعلق عليها بأسلوب رخيص الصور دي قبل الاخوان ما يمسكوا الحكم وكان باسم في اون تي في وباسم عرضها بنفسه لما كان الاخوان بيكفروه مش عارفه موقفكم مخزي جدا لا تفرقوا شي عن الاخوان نفس الطريقه علي طول طلعتم الصور والفبركه ليس دفعا عن باسم لكن كلمه حق في زمن اصبح فيه الحق ضايع.

ليست هناك تعليقات:

إرسال تعليق